09 復活節

今個復活節我既節目就係抱茶茶，因為終於決定左同佢做絕育手術，呢個日子嚟得咁遲係因為我肉赤手術後佢會好痛又唔可以初肚dup (佢最愛既親子活動) 之前又要餓肚仔。重有考慮過我唔想比佢去狗店配種，我又唔識照顧大肚中既狗媽咪，更加唔捨得將 d 狗 b 比人，而我無能力養多過一隻狗，見佢起水時心情唔好無胃口食飯都鄧佢辛苦。所以利用呢個長假期可以係屋企照顧佢，最終帶左茶茶去做絕育手術。

朝早(受難日10/09/2009))係診所等見醫生既茶茶幾咁靚女幾咁精神

下晝四點返到屋就死下死下淨係瞓覺唔食野唔飲水唔屙尿~~

第二朝(11/4/2009) 就好 d ，親我去左食早餐就賴一大篤尿係地下(其間我掙扎左好耐要唔要留底佢一個伙屋企，終於係用圍攏圍住佢同埋將d貓困係房) ，下晝佢就食左小小野不過到而家重未飲過水，大部份時間都係瞓覺。