好味好味

lee 次係屋企樓下超市買既牛排..............嘩不得了喇，好好味。連亞花都鍾意食~~

 

 

 

只係 20 大元一件，我都同呀妹都有偷食

自己動手做晚餐

睇左好好 blog (specially 乖乖) home made 比狗狗食好似非常 esay ，不過重點係佢地會開心同健康。

咁我都走去凍肉店買左牛排同雞肉嚟煮，重叫我老豆留返小小合掌瓜同油麥菜比我，睇落個賣相都 OK，佢地重食得好開心 tim ，而家我入廚房 + 發出 ping ping pang pang 既聲佢地就以為有得食，走晒入廚房

 

 

 

細佬 :　下次比多 D 牛排我

但係亞花話 : 　下次我唔要牛排

第二餐~~

Today's speical is 乾糧 + 菜芯 + 牛排

因為 lee 日去左三姑屋企，所以用唔到自己隻 BOWL

大獲.....出左事

第一科考試就衰左囉~~~~~

滿有信心咁讀左 3 條題目，係 obscenity 同 Crown Proceedings 之間二撰一時以為佢唔會咁好死出一題個範圍咁細的題目，所以 take 左後者。

當初諗住 lee 科最難明，所以用左好多時間去溫習，到後來明左同背晒 case 。充滿信心 (但係緊張到頭痛背痛成晚瞓唔到，要食止痛藥) ，再到打開試題，噢個心涼晒 lu，睇定 re-sit examination date 喇要。

都無晒計啦，但已經無咁緊張其後兩科。

肥佬嘅呢係無法抵抗的事實呀~~~~哎.... 安天命也。

早食飯

放假在家比起要返工的不同，就是食飯時間特別早。

何解？

我老豆囉，一早 4 點幾起身去飲早茶，早早就想食飯，但又問我幾點食飯好，我話食中午一點，佢 11 點幾就洗米，12 點就炒菜咁 12 點 3 就食得啦。

喂 !

10 點幾先食完早餐咋我~~~

邊有咁快又食飯呀，不如你自己食先啦~~~~~ 唔好問我喇，問左又唔係嘅

 

P.S. 老豆今日又煲左個怪湯.......青紅羅白 ，

粟米，猪骨，雞腳湯。好肥膩同係怪味道。人人話煲湯最易，但總有例外

考試在即

考試在即，放10個工作天來溫習。要在晚上才有的寧靜時刻溫習到深夜，亞花也來「贈與」，要睡在我的筆記上。有時還會咬爛我的筆記

new TV

Lee 部電視機用左 6 年， 係「pass 士 嫲」, 舊年春天佢壞左幾星期，過左個春天又無事好返。好在同亞花成日坐電視機頂無關，唔係老豆就又哦我養貓........

今年佢又發作..... 壞左一次咁大把，可能可今年春天短到好似無左咁有關。講真我極討厭潮濕天氣，比出汗更憎。

有日同細妹去百老X運吉，佢好鍾意睇電器 (都唔知有咩好睇) .......

比佢見到個40吋電視機好低買，佢問左個 sale 叔叔一大輪野，之後起勢咁叫我換電視機，又話襯個舊電視機重可以賣比收賣佬。

我諗左兩日終於決定都係換電視機啦.....(免我老豆突無電視睇)。其實都唔係好想換電器，舊年已經換左洗衣機啦。

去到百老X，睇中果部 display 唔見左。再問下個 sale 哥哥，佢話果部無貸喇所以收起左個 display，如果真係要買就去再 check 下。咁咪叫佢 check law....諗住無就算，唔買，oh 竟然話重有 last 一部。最後我就付出左 7 千大元 (連上牆安裝費用)

兩日後送貸兼安裝 (好快呀!) 老豆都問我好唔好裝高 d 等隻貓唔可以跳上去，我話唔好，安裝高度要啱正常視線，唔好裝太高。

因為係 office hour 安裝我唔係屋企兼夜晚要返學，點知老豆都係同師傅講裝高 D。.........嬲死我..................想唔比亞花跳上去，不如裝上天花板啦，亞花而家咪一樣跳到上電視機頂。

 

而家坐梳化睇電視要岳高個頭小小。惟一好處係亞花同細佬坐你電視機前面唔會遮住 d 字幕